Imminut sullinnissamut nittartakkamik innersuussivik

Aallaqqaasiut

Aalisarneq Kalaallit Nunaanni inuussutissarsiutit pingaarnersaraat. Taamaammat inuttaasunit aalisakkanik tunitsivinnit, tunisisartunit, aalisakkanik nioqqutissiortunit aamma tunisassiorfinnit tamakkuninnga tigooraasartunik paasissutissanik katersinissaq aalajangiunneqarpoq.  Paasissutissat taakku ilaatigut naatsorsueqqissaartarnermut atorneqassapput.

KANUAPNA-mit pisussaaffiuvoq inuttaasunut aamma suliffeqarfinnut imminut sullinnissamut aaqqiinissamik tunniussissalluni, allatigummi nalunaarusiornissaq periarfissaanngimmat.  KANUAPNA imaluunniit Aalisarnermut Piniarnermullu Naalakkersuisoqarfik e-mail imaluunniit allakkat atorlugit paasissutissanik pissarsineq ajorput, aammalu tamanna akuerisaasumik nalunaarusiornermik isigineqarsinnaanani.

Naatsorsuuserisoq kukkunersiuisoq

Eqqaamallugu Naatsorsuuserisup /kukkunersiuisup nalunaarsuitinnak, nalunaarsuutissatit nalilersoqqaartussaammagit. Aamma ajornannginnerutikkukku naatsorsuuserisoq/kukkunerisiuisoq Nalunaarusiamik nassiussitissinnaavat.

Nalunaarusiaq naatsorsuuserisup/kukkunersiuisup suliarissappagu KANUAPNA-mi naatsorsuuserisutut/kukkunersiuisutut akuerisaasimasussaavoq. Tamanna “log ind” naatsorsuuserisumit/kukkunersiuisumit toorneqarneratigut pissaaq.   Kinguneranik quppernerup naqqani toorsiffissakkut kukkuneq pillugu nalunaaruteqassaaq, “næste” tooruk naatsorsuuserisutut/kukkunersiuisutut nalunaarsiornissat kissaatigigukku.  Taamaalioreeruni naatsorsuuserisup/kukkunersiuisup paasissutissat immiutissavaa KANUAPNA-millu nalunaarsorneqarsimanini pillugu nalunaarutisissalluni.

Naatsorsuuserisoq/kukkunersiuisoq pilersinneqareeruni nalunaarsuinissaq pillugu akuersissummik ilinnut qinnuteqassaaq.  Tamanna pissaaq naatsorsuuserisumit/kukkunersiuisumit  ”anmod om fuldmagt”,toorneqarneratigut, paasissutissallu ilinnut tunngasut immiussinnaanngussavai ”anmod om fuldmagt”-lu toorlugu.  Taamaalioreerpat illit qupperninnut isissaatit piginnaatitsissullu akueralugu. Taava kukkunersiuisoq nalunaarsuisinnaanngussaaq.

Paasissutissat

Nalunaarusiornissaq pingasunut agguataagaavoq:

• Angallatit avataasiortut aamma sinerissap qanittumi raajarniartut angallatit pillugit paasissutissat
• Sinerissap qanittuani angallatinut 6 meterit sinnilinnut paasissutissat (sinerissap qanittuani raajarniat pinnagit)
• Aalisakkeriviit tunitsiviillu

Paasissutissat taakku angallatinit nalunaarutigineqartussaapput:

• Angallat pillugu paasissutissat
• Orsussaq suliffissaqartitsinerlu
• aalisagaqatigiiaanut agguataarlugu pisat amerlassusii tonsinngorlugit
• Aalisagaqatigiiaanut agguataarlugu tonsinngorlugit tunisat amerlassusii
• Avammut niuerneq aalisagaqatigiiaanut agguataarlugu tonsinngorlugit
• Avammut niuernermi kaaviiaartitsineq
• Tunisinermi kaaviiaartitat nalingi
• Kaaviiaartitat allat
• Aningaasartuutit

Paasissutissat aalisakkerivinnut tunitsivinnullu nalunaarutigineqartussaasut tassaapput:

• Tunisassiorfik pillugu paasissutissat
• Suliffeqarneq
• Aalisagaqatigiiaanut agguataarlugu tonsinngorlugit tunisat amerlassusai
• Tunisassiorneq avammut niuerneq
• Tunisassiorneq, Nunatsinni tunisassat
• Avammut niuernermi kaaviiaartitsineq
• Nunatsinni niuerfinnut tuniniarneqartunit kaaviiaartitat
• Kaaviiaartitat allat
• Aningaasartuutit

Piffissaq killiliussaq

Tunisinermiit ukiup kingorna nalunaaruteqarnermut piffissamut killiliussaq kingusinnerpaaq tassaavoq novemberip aallaqqaataa. Piffissaanerani nalunaarusiorsimanngikkuit KANUAPNA-mit eqqaasitsissummik tigusaqassaatit. Qaammatip naanerani suli nalunaaruteqarsimanngikkuit peqquneqarsinnaavutit akiliinissamut

Attavissaq

Imminut sullinnissamut aaqqiineq suli nutaajuvoq Arlaatigulluunniit kukkunermik misigiguit, mailimik nassitsigut oqaluttuaralugu kukkuneq suunersoq, ajornanngippat assilianngorlugu.

Angallat tunitsivilluunniit illit piginngisat pillugu nalunaarsueqquneqaruit aamma uagutsinnut allassaatit. Taamatuttaaq illit angallatit imaluunniit tunitsiviit pillugu nalunaarsuiniartillutit periarfissaqarnalli.

Attaveqarneq tamarmi gfjk@nanoq.gl atorlugu ingerlassaaq

Itinerusumik atuarit

Inatsiseqarneq pillugu nittartagaq