Umiarsualivissinnermik nakkutilliineq
Port State Control (PSC)
Port State Control (PSC), umiarsualivimmi oqartussaasunit nakkutilliinermik taaneqartartoq, tassaavoq angallatinik nunanit tamalaaneersunik umiarsualivimmut tulaassisunik nakkutilliineq. Nakkutilliinerup siunertaraa angallat nunani tamalaani malittarisassanik eqquutitsinersoq paasiniassallugu, kiisalu angallatip pisaanik tamanut takussutissamik pilersitsissalluni.
Tulaassinermi oqartussaasut marluk tamatigut akuersisussaapput: flagstatsmyndighed, pisaq pillugu paasissutissat eqqortuunerannik uppernarsaasuusut, aamma umiarsualivimmi oqartussaasut, tulaassinermik akuersisartut. Flagstatsmyndighedip PSC itigartippagu, nunap umiarsualiviinut talinnissaq aamma itigartitsissutigineqassaaq. Taamaattumik paasissutissat tamarmik eqqortumik nalunaarutigineqarnissaat pingaaruteqarpoq.
KANUAPNA PSC-nik assigiinngitsunik pingasunik nakkutilliisuuvoq, taakkulu immikkoortuni tulliuttuni erseqqinnerusumik allaatigineqarput, tassanissaaq immersugassanut attuumassuteqartunut linkit nassaarineqarsinnaallutik. Umiarsualivimmi oqartussaasut immersugassat flagstatsmyndighedimut nassiuttarpaat, taakkulu immersugassat uppernarsarlugit umiarsualivimmi oqartussaasunut utertittussaavaat, taavalu umiarsualivimmi oqartussaasut tulaassinissaq akuerisinnaavaat itigartissinnaalluguluunniit.
Angallatit nunanit allaneersut Kalaallit Nunaanni umiarsualivimmut talinnissamik kissaateqartut (Port State Control)
Angallatit nunanit allaneersut pisaminnik suli tulaassiffigineqanngitsunik ilisimasut, taamaallaat umiarsualivinnut Kalaallit Nunaanni Aalisarnermut Piniarnermullu Nakkutilliisoqarfik, umiarsualivimmilu oqartussaasunit akuersissummik peqqaarlutik, talissinnaapput. Tamanna atuuppoq tulaassiniaraluaraanni, nuussiniaraluaraanni (omladning) imaluunniit kiffartuunneqarnissamik (service) siunertaqaraluaraanni.
Tulaassinissamut umiarsualiviit innersuunneqarsimasut tassaapput Nuuk Sisimiullu. Kiffartuunneqarnissamut (service) umiarsualiviit innersuunneqarsimasut allattorsimaffiat NEAFC-ip imaluunniit NAFO-p nittartagaanni nassaarineqarsinnaapput.
Angallatit nunanit allaneersut Kalaallit Nunaanni umiarsualivimmut talinnissamik imaluunniit kiffartuunneqarnissamik kissaateqartut, tamanna pillugu KANUAPNA-p umiarsualivimmi oqartussaasutut tikinnissaq kingusinnerpaamik ullut pingasut sioqqullugit ilisimatissavaat. Tikinnissamik nalunaarut taamaatiinnarneqarusulerpat, tamanna tikinnissatut naatsorsuutigineqartoq nalunaaquttap akunneri 24-t sioqqullugit taamaatiinnarneqarsinnaavoq.
PSC-mik nassiussereernerup kingorna aalisarneq nanginneqassappat, siullermik PSC nassiunneqaqqaartoq taamaatiinnarneqassaaq. Tamanna pissaaq PSC-mi siullermi saqqaatigut “Annulleret” toorlugu. Taava PSC nutaaq pisat nutarterneqarsimasut ilanngullugit nassiunneqassaaq, taamaalillunilu piffissaq siullermik nalunaarutigineqartoq attatiinnarneqarsinnaalluni. KANUAPNA attavigineqanngippat, imaluunniit PSC itigartinneqarpat, tulaassinissaq itigartitsissutigineqassaaq. Tamatuma saniatigut KANUAPNA nassiussisartunik soorlu RAL-imik aamma Blue Waterimik isumaqatigiissuteqarpoq nassiussanik tigusinnginnissamik, pisallu taava arsaarinnissutigineqarallassapput. Pisat aserornissaat nalilerneqarpat, taakku tunineqarsinnaapput akialu paarineqarallassalluni. Kalaallit Nunaanni Namminersorlutik Oqartussat tunisinermut atatillugu annaasaqaataasinnaasunut taarsiisussaatitaanngillat.
KANUAPNA piffissaliussamik allamik qaqugukkulluunniit aalajangiisinnaavoq.
Immersugassaq immersugassaq uani aaneqarsinnaavoq (ENG): Part A umiarsuup naalagaata imaluunniit sinniisussatut piginnaatitaasup immersussavaa GFJK-mullu nassiullugu, taavalu KANUAPNA-p immersugassaq flagstatimut nassiussiffigissavaa umiarsuup naalagaa ilisimatillugu. Tamarmik eqqortuuppata, flagstatiisup Part B immersussavaa atsioriarlugulu, immersugassarlu KANUAPNA-mut utertillugu nassiutissallugu, taava KANUAPNA-p Part C immersussavaa atsiorlugu, kingornalu umiarsuup naalagaanut utertillugu nassiutissallugu. Flagstatiisup immersugassaq uppernarsarsinnaanngippagu, KANUAPNA-p uppernarsaat itigartitaasoq umiarsuup naalagaanut utertillugu nassiutissavaa, taava umiarsuup naalagaa suliamik nutaamik aallartitsisinnaavoq.
NEAFC-p isumaqatigiissuteqarfiani pisat umiarsualivimmi oqartussaasunit nakkutigineqarnerat (Port State Control)
Kalaallit Nunaat North East Atlantic Fisheries Commission-imik (NEAFC) isumaqatigiissuteqarpoq, tassalu angallatit Atlantikup avannaani tamarmi aalisakkanik tulaassitinnatik PSC-uppernarsaammik nassiussisassasut. Port State Control (PSC) NEAFC-ip isumaqatigiissuteqarfianiit (42 W-ip kangiani) aalisakkanit tunisassianut tamanut tulaanneqartunut atuuppoq. Angallatit nunani allani taamaallaat aalisakkanik nutaanik (ferske) tankiniittunik, NEAFC-ip isumaqatigiissuteqarfiani pisarineqarsimasunik tulaassisut, aamma PSC-mut ilaatinneqarput.
Nalinginnaasumik tulaassiniarnermi oqimaassutsit tulaassinissaq kingusinnerpaamik ullut pingasut sioqqullugit nalunaarutigineqartassapput. Norgemi tulaassiniaraanni, tulaassinissaq nalunaaquttap akunneri 24-t sioqqullugit nalunaaruteqarnissaq naammappoq. Nammineq pisat tulaanneqassanersut, imaluunniit angallammit allamit nuunneqarsimasunik (omladning) tulaassisoqassanersoq nalunaarutigineqassaaq. Kalaallit Nunaanni angallatinut KANUAPNA-p oqartussaasutut (flagstatsmyndighed) paasissutissat taakku uppernarsartassavai. KANUAPNA-p PSC uppernarsartinnagu umiarsualivimmut talittoqassanngilaq, tulaassisoqassanngilaq imaluunniit nuussisoqassanngilaq. KANUAPNA-p PSC itigartippagu, umiarsualivimmi oqartussaasunit aamma itigartinneqartoqassaaq.
North East Atlantic Fisheries Commission-ip (NEAFC) nittartagaani imminut sullinnikkut nalunaaruteqarnissaq periarfissaavoq. Imminut sullinnermi PSC-mik qinnuteqarsinnaajumalluni, siullermik umiarsuup naalagaatut (skipperitut) pilersinneqaqqaartariaqarpoq. Tassani aamma ilitsersuutit kiisalu umiarsualiviit akuerisaasut (designated ports) NEAFC-ip isumaqatigiissuteqarfiani atuuttut allattorsimaffiat aaneqarsinnaapput.
Umiarsualivimmi oqartussaasut kiisalu flagstatsmyndighedip imminut sullinneq aqqutigalugu tulaassinissaq akuerisarpaat itigartittarluguluunniit. Umiarsuup naalagaatut PSC-mik qinnuteqaativit sumut killinnera nittartakkami malinnaaffigisinnaavat.
NAFO-p isumaqatigiissuteqarfiani pisat umiarsualivimmi oqartussaasunit nakkutigineqarnerat (Port State Control)
Kilisaatit Atlantikup avannaanni nunani tamani aalisakkanik tulaassinerminni PSC akuersissummik nassitsisarnissaat pillugu Kalaallit Nunaat North East Atlantic Fisheries Commissionimik aamma North Atlantic Fisheries Organisationimik isumaqatigiissuteqarsimavoq
Port State Control (PSC) makkuninnga tulaassinermi atuutsinneqartarpoq
- Sumiiffinni NEAFC-ip akuersissuteqarfigisaani (42 W kangiani) pisanik aalisakkanik qerisunik tulaassinermi
- Imartani nunat tamalaat oqartussaaffigisaani sumiiffinni NAFO-p akuersissuteqarfigisaani (42 W kitaani) aalisakkanit tunisassiat tamarmik
Pisanik tulaassinermi oqartussaasut marluk akuersissuteqartartussaapput: nuna umiarsuup erfalasoqarfigisaa pisat pillugit paasissutissanik misissuisussaq aamma umiarsualivimmut oqartussaasut tulaassat pillugit akuersissuteqarlunilu misissuisinnaatitaasoq.
KANUAANA umiarsuarnut nunanut allaneersunut Kalaallit Nunaanni tulaassisunut tunngatillugu umiarsualivimmi oqartussaasutut inissisimavoq aamma kalaallit umiarsuuat nunani allani tulaassitillugit nuna umiarsuup erfalasoqarfigisaasa oqartussaassuatut inissisimasarluni.
Tulaanniakkat annertussusaat kingusinnerpaamik ulloq tulaassiviusussaq ulluni suliffiusuni pingasunik sioqqullugu nalinginnaasumik nalunaarutigineqartarput. Norgemut tulaassisussaatillutit tulaassinissaq nalunaaquttap akunnerinik 24-inik sioqqullugu nalunaaruteqarsinnaatitaavutit. Tulaanniakkat nammineq pisarsimanerlugit umiarsuarmilluunniit allamit usilersuussimanerlugit nalunaarutigisussaavatit.
North Atlantic Fisheries Organization-imi (NAFO) maleruagassat aasinnaavatit unalu aqqutigalugu PSC-immersugassat umiarsualiviillu akuerisat allattorsimaffiat (designated ports) aasinnaallugit. Immersugassat immersorneqarsimasut umiarsualiviup pisannik tulaassiffiginiakkap oqartussaasuinut nassiunneqassaaq.
UmUmiarsualivinnut akuerisaasunut attavissat adressii, e-mail aamma faxnormui nittartakkamissaaq nanisinnaavatit. Umiarsualivimmut oqartussaasup immersugassat immersorneqarsimasut nunap umiarsuup erfalasoqarfigisaata oqartussaasuinut nassiutissavai, immersugassat immersorneqarsimasut uppernarsariarlugit umiarsualivimmut oqartussaasunut utertissavaat tamatumalu kingorna tulaassinissaq akuerineqarsinnaalissaaq itigartinneqarluniluunniit.
North East Atlantic Fisheries Commission-imi (NEAFC) aamma nammineq sullissivik atorlugu qarasaasiakkut nalunaaruteqarnissamut periarfissaqarputit. Umiarsuup naalagaatut atuisinnaasunngortinneqaqqaassaatit, taamaasillutit nammineq sullississutit atorsinnaalerlugit PSC-inillu qinnuteqarsinnaalerlutit.
http://www.neafc.org/portstatecontrol-imi ilitsersuutit NEAFC-illu susassaqarfiini umiarsualiviit akuerisaasut (designated ports) allattorsimaffiat aasinnaavatit. Umiarsualivimmut oqartussaasut aamma nunami umiarsuup erfalasoqarfigisaani oqartussaasut nammineq sullississut aqqutigalugu tulaassinissaq tamarmik immikkut akuersissuteqarfigisinnaallugulu itigartissinnaavaat. Umiarsuup naalagaatut nittartagaq aqqutigalugu PSC-qinnuteqaativit sumut killissimanera malinnaaffigisinnaavat.
Umiarsuit nunanit allaneersut, PSC-imut ilaasut, Nuummuinnaq tulaassisinnaatitaapput.
Aamma atuaruk ...
EU-mut uppernarsaasiisarneq
EU-mut uppernarsaasiisarneq pillugu uani atuarsinnaavatit aamma annissassat uppernarsaasigaanersut qanoq isilluni qulakkeerneqassanersut
Umiarsualivissinnermik nakkutilliineq
Umiarsualivissinnermik nakkutilliineq taakkunanngalu akuersissutit pillugit uani atuarsinnaavatit