ERS pillugu paasissutissiineq
ERS pillugu paasissutissiineq
Angallatinut aalisariutinut tamakkiisumik takisusilinnut 17 meter anginerusulluunniit ERS atorlugu aalisarnermi nalunaaruteqartalernissaq 1. august 2021 piumasaqaataalerpoq.
Nakkutilliinermut nalunaarut Naalakkersuisut nittartagaanni alakkarneqarsinnaavoq Uani
Angallatit taakkunannga mikinerit namminneq aalajangissavaat ERS atulissanerlugu.
KANUAPNA´p ERS programmi isumagissavaa, qarasaasiaqarnissarli attaveqarsinnaanissarlu angallammik piginnittup akisussaaffigissavai.
ERS programmi 50MB-tut imartutigaaq qarasaasianilu nutaajunerusuni Windows 10-mik nutaanerusumilluuniit ingerlatilimmik atorneqarsinnaavoq.
Qarasaasiaq avammut attaveqarsinnaasariaqarpoq, taamaalilluni KANUAPNA´p qarasaasiaqarfianut toqqaannartumik atassuserneqarsinnaalluni.
Attaveqaqatigiinneq internettikkut imaluunniit KANUAPNA-mit akuerineqarsimasumit qaammataasakkut attavikkut ingerlanneqarsinnaavoq.
Attaviit ukua Thrane&Thrane (TT-3027, TT-3026), Polaris (SiriusOne) KANUAPNA-mit akuerineqarput.
ERS programmi ikkussuunnerani, ikkussuutereernerata kingorna angallammut aalisarnermullu tulluarsarnerani nalinginnaasumillu atornissaanut ilitsersuinermi KANUAPNA ikiuussinnaavoq.
Angallatip ERS-imik atuilereernerata kingorna qaammatini pingasuni pappiaqqatigut nalunaarsuinerit saniatigut ingerlanneqarallassapput, taamaasilluni angallatini qarasaasiakkut nalunaarsuinermik suleriaatsit nutaat atuutilernerini ajornartorsiutaasinnaasut pissutigalugit paasissutissat pitsaassusaat innarlerneqannginnissaata qulakkeerneqarnissaa siunertaralugu.
Nalunaarummi nutaami nalunaarnissamut malittarisassat ilisarnartumik suliaapput. Angallatini Kalaallit Nunaata imartaaniinnaq aalisartuni nalunaartarnissamut piffissaliussat imaalu pillugit immikkut malugeqquneqarput umiarsualivimmiit avalannermik nalunaarut (aalisalernermik nalunaarut taarserpaa), ullormut pisanik nalunaarut (sapaatip akunnikkaartumik nalunaarut aamma umiarsuup allattaavii pappiaqqat taarserpai) umiarsualivissinnermik nalunaarut (aalisarunnaarnermik nalunaarut taarserpaa). Immikkut maluginiarneqassaaq, angallatit tamarmik – aamma sivikinnerusumik angalasartut – nalunaartussaatitaanermut ilaammata.
ERS aallartilluaruk
Piffissami aggustip aallaqqaataaniit novembarip aallaqqaataata tungaanut angallatinut pineqartunut ERS atuinermik ikiuiniarluni KANUAPNA ingerlaavartumik attaveqartassaaq.
Angallatit erngerlutik ERS-imik atuillutik aallartikkusuttut KANUAPNA attaviginissaanut tikilluaqqusaapput.
vCatch pillugu atuisumut ilitsersuut uani aasinnaavat: vCatch Brugervejledning v. 5.0.1.26 KAL
vCatch nutaanerpaaq aaniarukku, una atussavat https://vcatch.kanuaana.gl/vcatch/UpdateClientServlet?downloadRequest=app
vCatch client-ip versiooq kingulleq tassaavoq 5.4.1.379. Eqqaamallugu client-ip aamma paasissutissat tunngaviusut (stamdata) nutarterneqarnissaat akuttunngitsumik misissortassallugu.
ERS pillugu ikiorneqarnissamik KANUAPNA-mut saaffiginninneq
Allakkanik tigooqqaavik Kalaallit Nunaata Kitaani nalunaaqutaq malillugu nal. 08.00 aamma nal. 16.00 ammernermi ingerlaavartumik suliarineqartarpoq. Aamma ERS pillugu pinartumik saaffiginnissutit ulluinnarni nal. 23.59 UTC aamma sapaatit akunnerata naanerani nal. 16.00 UTC aamma nal. 23.59 UTC suliarineqartarput.
Ulluinnarni saaffiginninnerit nalinngaasunut ammarnermi nal. 08.00 aamma nal. 16.00 akornanni 345000 atorlugu. Ammanerup nalinginnaasup avataani pinartumik saaffiginninnermi pingaartup oqarasuaata 547905 atorlugu nal. 23.00 UTC aamma nal. 23.59 UTC aamma sapaatip akunnerata naanerani nal. 11.00 UTC aamma nal. 12.00 UTC akornanni aamma nal.23.00 UTC aamma nal. 23.59 UTC akornanni KANUAPNA attavigineqarsinnaavoq.
Najuussinnaatinnata sukkasuumik ikiuussinnaaniassagatta qarasaasiamut vCatchip ikkussuiffigineqarsimasaanut isersinnaanissarput pisariaqarajuttarpoq.
Regionskontorerput aamma attavigineqarsinnaapput angallammiitilluni ERS-imut (qarasaasiakkut ammassassuarnut) sungiusarneqarnissaq ikiorneqarnissarlu pillugit isumaqatigiissuteqarniarfittut. Normut ataani allassimasut piffissat ammasarfiisa nalaanni nalinginnaasumik pigaartuunermi oqarasuaatitulli ammasarfeqarput.
Region Syd (Kujataani): +299 27 27 57
Region Midt (Qeqqani): +299 52 85 54
Region Nord (Avannaani): +299 54 66 19
Ungasissumiit ikiuunitsinni TeamViewer uani akeqanngitsumik aaneqarsinnaaso atortarparput https://get.teamviewer.com/gflkquick ( 18 MB missaani annertussuseqarpoq).
Tigusisoq TeamViewer atorlugu ungasianiit isernermik tamakkiisumik aqutsisinnaasarpoq.
Aamma atuaruk ...
Inuussutissarsiutigalugu aalisartut tunisisarnerat
Inuussutissarsiutigalugu aalisartut tulaassinermi nalunaaruteqartarnerat pillugu uani atuarsinnaavatit ilitsersuutaalu aasinnaallugu
Pisiortortunut tunisisarneq
Pisiortortup pisussaaffii pillugit paasissutissat uani atuarsinnaavatit kiisalu ilitsersuutit immersugassallu aasinnaallugit
Saniatigut pisat
Saniatigut pisat, tassani korallit, immami pupiit, miluumasut imarmiut timmissallu pillugit nalunaaruteqartarneq uani atuarsinnaavatit
Nalunaaruteqartarnerit
Nalunaarutit assigiinngitsut pillugit immersugassat uani atuarsinnaavatit ilitsersuutillu aasinnaallugit
Umiarsuup allattaaviinut immersuineq
Umiarsuup allattaavii assigiinngitsut pillugit uani atuarsinnaavatit ilitsersuutillu aasinnaallugit