Piniutinut annaasaqarnermut immersuiffissaq (DNK)
Piniutinut annaasaqarnermut immersuiffissaq (KAL)
Piniutinut annaasaqarnermut immersuiffissaq (DNK) (PDF)
Piniutinut annaasaqarnermut immersuiffissaq (KAL) (PDF)

Aalisarnerup teknikikkut iluarsartuussivigineqarnera pillugu Namminersorlutik Oqartussat nalunaarutaani § 28 allassimavoq:

Aquttup atortut annaasat pillugit nalunaaquttap akunneri 24-t iluini KANUAPNA makkunannga nalunaarfigissavaa:

1)  Angallatip aqqa radiokkullu attaveqartilluni ilisarnaataa.

2)  Aalisarnermi atortut annaaneqartut suussusaat.

3)  Aalisarnermi atortut annaaneqartut amerlassusaat amerlassusaalluunniit.

4)  Annaasaqarneq ulloq aamma nalunaaqutaq qassinut pisimanersoq.

5)  Sumiiffik atortunik annaasaqarfiusoq.

6)  Iliuutsit atortunik qaqitsiniarnermi iliuuserineqarsimasut.

Imm. 2.  Kingorna aalisarnermut atortut taakkuluunniit ilaat qaqinneqarpata, aalisartulluunniit allap aalisarnermut atortut nalunaaqutserneqanngitsut qimaannakkat qaqippagit, qaqinnerannit nalunaaquttap akunnerisa 24-t iluini tullinnguuttut KANUAPNA-mut nalunaarutigineqassapput:

1)  Angallatip atortumik qaqitsisup aqqa radiokkullu attaveqartilluni ilisarnaataa.

2)  Angallatip atortunik annaasaqartup aqqa radiukkullu ilisarnaataa.

3)  Atortut qaqinneqartut suuneri.

4)  Atortut qaqinneqartut amerlassusaat amerlassusaalluunniit.

5)  Atortunik qaqinneqarnerini ulloq aamma nalunaaqutaq.

6)  Sumiiffik atortunik qaqitsiviusoq.

Imm. 3.  Aalisarnermi atortunik annaasaqarnermi aalisarnermik nakkutilliisoqarfiup naalagaaffik sinerialik imaluunniit Nunarsuup Immikkoortuani Aqutsinermi Suleqatigiiffik nalunaarfigisinnaavai.

Imm. 4.  Tunngaviusumik killeqarfimmit 3 sømilit iluini atortut annaasat, annaasaqarfimmi KANUAPNA-mut nalunaarutigineqassapput.

Taamaattumik KANUAPNA aalisartunut immersugassiamik suliaqarsimavoq, taamaalillutik paasissutissat nalunaarummi piumasarineqartut immersorsinnaaniassagamikkigit. Immersugassiaq tunisinermut atatillugu tunitsivimmut tunniunneqassaaq.

Piniutinik annaasaqarneq inatsisinik unioqqutitsinerunngilaq. Taamaattorli nalunaaruteqanngitsoorneq pineqaatissinneqarnermik (akiligassinneqarnermik) kinguneqarsinnaavoq. Taamaattumik atortunik annaasaqartuaannarnermi KANUAPNA nalunaarfigisarnissaa pingaaruteqarpoq. Immersugassaq anillatsillugu assammik immersorneqarsinnaavoq, tunitsivimmilu logbogit ilanngullugit nassiunneqarsinnaallutik, imaluunniit qarasaasiakkut immersoriarlugu toqqaannartumik KANUAPNA-mut uunga nassiunneqarsinnaavoq: gfjk@nanoq.gl