Naalakkersuisut marsip 17-iani sinerissap qanittuani 2026-mi arnarlunnik suanniarnissami TAC 1.327,3 tonsiussasoq aalajangerpaat, pisassallu aqutsiveqarfinni agguarneqarnissaat aamma aalajangersarneqarluni.
Takussutissiaq 1. 2026-mi nipisattassatut pisassiissutit NAFO-mi aqutsiveqarfinni agguarneqarneri (tons)
TAC ilisimatuussutsikkut siunnersuineq, arnarlunnut aqutsinissamut pilersaarut kiisalu aalisarnermi soqutigisaqaqatigiinnik tusarniaaneq tunngavigalugit aalajangersarneqarpoq. Aqutsinissamut pilersaarut tassaavoq aalisarnerup MSC-mik meqqilersuisinnaanerup attatiinnarnissaanut tunngavik. Ilisimatuussutsikkut siunnersuineq 2025-mut sanilliullugu 31%-imik appariaateqarsimagaluarpoq. Ilisimatuussutsikkut siunnersuineq taamaattumik annertuumik appariarsimavoq. Aqutsinermullu pilersaarut naapertorlugu TAC ukiumut annerpaamik 15%-imik appariarsinnaavoq. Taamaakkaluartoq TAC 2025-mut sanilliullugu 10%-imik apparneqarpoq. Taamaasilluni aamma MSC-mik meqqilersuisinnaanerup pigiinnarneqarnissaa qulakkeerneqarpoq. Arnarluit suli ikiliartornernerannik takussutissaqarpat, ukiuni aggersuni TAC-mut naleqqussaanerit allat pisariaqarsinnaapput, MSC-mik meqqilersuisinnaanerup pigiinnarnissaa qulakkeerniarlugu.
Assiliaq 1. Aqutsiveqarfiit nalunaarsornerisa assinga
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl