Aqutsiveqarfimmi kitaata avannaani sunngiffimmi aalisartut kapisilinniarnerat oktobarip qulingiluaanni 2023-mi unissaaq.
Kalaallit Nunaanni Aalisarsinnaanermut Akuersissutinik Nakkutilliisoqarfik nalunaaruteqarpoq aqutsiveqarfimmi kitaata avannaani sunngiffimmi aalisartunut kapisilinniarneq oktobarip qulingiluaanni 2023-mi unitsinneqassasoq, pisassiissutit nungunneqalermata.
Kapisilinnut qassutit tamarmik aqutsiveqarfimmi pineqartumi kingusinnerpaamik ulloq aalisarnerup unitsinneqarfiani qaqinneqariissapput nalunaaqutaq 23.59 nallertinnagu.
KANUAANA aammaarluni kaammattuivoq aalisartut aalisariareersimatillutik pisatik piaarnerpaamik nalunaarutigisassammatigit. Erseqqissaatigineqassaaq akuersissuteqartoq aalisariarsimanngikkaluarluni pisaqarsimanngikkaluarluniluunniit aamma nalunaaruteqartussaammat.
Kingusinnerpaamik oktobarip 23-anni 2023-mi nalunaaruteqartoqassaaq. Kingusinnerpaamik oktobarip 23-anni 2023-mi nalunaaruteqartoqanngippat, 2024-mi kapisilinniarsinnaanermut akuersissummik tunisisoqarsinnaanngilaq.
For yderligere oplysninger kontakt Grønlands Fiskerilicenskontrol på tlf. 34 50 00 eller via e-mail gflk@nanoq.gl
Kapisilittat pillugit paasissutissat amerlanerusut nittartakkami Sullissivik.gl-imi “Kapisilittatit nalunaarutigikkit” atuarneqarsinnaapput.
Annerusumik paasisaqarusukkuit Kalaallit Nunaanni Aalisarsinnaanermut Akuersissutinik Nakkutilliisoqarfik oqarasuaat 34 50 00 imaluunniit e-mail gflk@nanoq.gl attavigisinnaavat.
Inussiarnersumik inuulluaqqusilluta
Kalaallit Nunaanni Aalisarsinnaanermut Akuersissutinik Nakkutilliisoqarfik
gflk@nanoq.gl
Toqq +299 34 50 00