Aalisarnermut Piniarnermut, Nunalerinermut Imminullu Pilersornermut Naalakkersuisoqarfiup matumuuna nalunaarutigissavaa aqutsiveqarfinni ukunani piffissami taaneqartuni kapisilinniartoqarsinnaalissammat:
• Aqutsiveqarfik kitaata avannaani (64°14’N-p avannaani) septembarip aallaqqaataanit.
• Aqutsiveqarfimmi Nuuk – Paamiut (64°14’N-p kujataani) aggustip aallaqqaataanit.
• Aqutsiveqarfimmi kitaata kujataani (60°45’N-p kujataani) aggustip aallaqqaataanit.
• Aqutsiveqarfik Kapisillit aggustip aallaqqaataanit.
• Aqutsiveqarfik Tunu (44°00’V-p kangiani) aggustip 15-ianit.
Kapisilinnik aalisarnissamut akuersissummik kommunerisanni imaluunniit sullissivik.gl-ikkut qinnuteqarsinnaavutit. Kapisillit kuuanni kapisilinniarniaruit aqutsiveqarfik Kapisillit akuersissuteqarfigisariaqassavat.
2026-mi kapisilittassat 30 tonsiupput, taakkulu aqutsiveqarfinni ukunani ima amerlatigisut aalisarneqarsinnaapput:
| Aqutsiveqarfiit | Aalisartut immikoortuat | Pisassiissutit (tons) |
|---|---|---|
|
Avannaata kitaa
|
Sunngiffimmi aalisartut Inuussutissarsiutigalugu aalisartut |
1,6 8,9 |
|
Nuuk – Paamiut
|
Sunngiffimmi aalisartut
Inuussutissarsiutigalugu aalisartut |
2,9 7,2 |
|
Kujataata kitaa
|
Sunngiffimmi aalisartut
Inuussutissarsiutigalugu aalisartut |
2,4 3,7 |
|
Tunu
|
Sunngiffimmi aalisartut
Inuussutissarsiutigalugu aalisartut |
1,5 1,5 |
Kapisillit kuuat qarsorsamik qissattaammillu aalisarnissamut pisassinneqanngilaq.
Sukumiinerusumik paasisaqarusukkaanni Aalisarnermut, Piniarnermut, Nunalerinermut Imminullu Pilersornermut Naalakkersuisoqarfimmut saaffiginnittoqarsinnaavoq, e-mail: apn@nanoq.gl